Pakistanın xarici işlər naziri Hina Rabbani Xar bildirib ki, onun ölkəsi Çin və ABŞ arasında artan rəqabətdə tərəf seçməkdə maraqlı deyil...
Polqon xəbər verir ki, bu barədə Politico qəzeti yazıb. Qəzet qeyd edir ki, Vaşinqton getdikcə daha çox Pakistanın əzəli düşməni olan Hindistanla əməkdaşlığa diqqət yetirdiyi halda, Pekin nəhəng infrastruktur layihələri ilə Pakistanda təsirini genişləndirməyə çalışır.
“Bununla belə, İslamabad ABŞ və Çin arasında tam qırılmanın nəticələrindən narahatdır və bu, Pakistanı ikili strateji seçim qarşısında qoyacaq”, deyə Politico yazır.
Nəşr bildirir ki, Xar ABŞ-ın Əfqanıstandakı siyasətini tənqid edib. Pakistanın xarixi işlər naziri bildirib ki, Əfqanıstanda “Taliban”a qarşı mübarizə əks nəticə verib, humanitar və təhlükəsizlik böhranına səbəb olub, bir çox əfqanı “cinayətkar fəaliyyətə, narkotik ticarəti və qaçaqmalçılığa” sövq edib. Artan zorakılıq fonunda Pakistan əsgərlərini və polisi “Taliban”a qarşı ön cəbhəyə yerləşdirib.
Politico yazır ki, ölkə iqtisadiyyatı inflyasiyadan və azalan ehtiyatlardan əziyyət çəkdiyi üçün Pakistan Beynəlxalq Valyuta Fondundan yardım pulu axtarır.
Poliqon.info
Digərxəbərlər
Populyar xəbərlər
