Çin Ukraynadakı müharibə ilə bağlı sülh danışıqlarına kömək edəcək və Rusiya ilə əlaqə və koordinasiyanı davam etdirməyə hazırdır...
Poliqon xəbər verir ki, bunu Çinin xarici işlər naziri Tsin Qan rusiyalı həmkarı Sergey Lavrovla görüşündə deyib. Bu barədə Çin XİN-in mətbuat xidməti məlumatında deyilir ki, Çin və Rusiya xarici işlər nazirləri Ukrayna böhranı ilə bağlı fikir mübadiləsi aparıblar:
"Tərəflər Ukrayna böhranı ilə bağlı fikir mübadiləsi aparıblar. Tsin Qan bildirib ki, Çin sülh danışıqlarını israrla təşviq edəcək və böhranın siyasi həllinə real töhfə vermək üçün Rusiya ilə əlaqə və koordinasiyanı davam etdirməyə hazırdır. Lavrov isə qeyd edib ki, Rusiya bu məsələyə önəm verir. Lavrov bildirib ki, Çinin Ukrayna böhranının siyasi həlli ilə bağlı mövqe sənədindəki prinsipial mövqeyi ilə razılaşır və Çinlə sıx əlaqə saxlamağa hazırdır”, deyə mətbuat xidmətinin məlumatında bildirilir.
Poliqon.info
Digərxəbərlər
Populyar xəbərlər
