İsrail tarixinin ən ifrat sağçı hökuməti ötən ay Baş nazirin vəzifədən uzaqlaşdırılmasını çətinləşdirən qətnamə qəbul edib...
İsraildə küçə aksiyaları və siyasi xaos ehtimalına görə mübahisəli məhkəmə islahatları prosesini dayandırmağa qərar verən Baş nazir Benyamin Netanyahu ABŞ-ın NBC kanalında yayımlanan “Meet the Press” proqramında “yumşalma” mesajı verib.
Poliqon Türkiyənin Hürriyet qəzetinə istinadən xəbər verir ki, məhkəmə islahatlarının dayandırıldığını deyən Netanyahu hökumətin fasilə verdiyini və qarşı düşərgələr arasında tarazlıq yaratmağa çalışdığını qeyd edib.
“Cəmiyyətimizin hər iki tərəfində əks fikirlər var” deyən Netanyahu İsrail ictimaiyyətinin iki yerə parçalandığını etiraf edib. Həmçinin müzakirələrin sonunda ortaq məxrəcə gələcəklərinə inandığını bildirib.
İsrail tarixinin ən ifrat sağçı hökuməti ötən ay Baş nazirin vəzifədən uzaqlaşdırılmasını çətinləşdirən qətnamə qəbul edib, həmçinin Ali Məhkəmənin səlahiyyətlərini məhdudlaşdırmağa başlayıb. Lakin etirazların ölkədə vətəndaş müharibəsinə səbəb ola biləcəyi iddiaları və ABŞ-ın təzyiqləri səbəbindən proses dayandırılıb.
Poliqon.info