Ermənistan və Türkiyə komandaları arasında İrəvanda keçiriləcək futbol matçının təşkilatçıları 5 minə yaxın bileti öz yaxın və etibarlı adamlarına paylayıblar...
Poliqon.info xəbər verir ki, bu barədə Ermənistanın “Joqovurd” qəzeti yazı.. Qəzet iddia edir ki, Ermənistan Futbol Federasiyası bazarda effektiv nəzarəti təmin edə bilməyib və biletlərin qıtlığı onların kəskin bahalaşmasının səbəb olub.
Nəşrin məlumatına görə, Ermənistan Futbol Federasiyası oyun zamanı həddi aşmaq hallarının qarşısını almaq üçün göstərilən sayda biletləri öz sadiq azarkeşləri arasında paylayıb.
Məlumatda qeyd edilir ki, martın 6-da onlayn bilet satışının başlanması elan edilib və martın 13-də satışın başa çatdığı məlum olub. Hazırda isə biletlər qara bazarda satılır və ilkin 3-5 min dram əvəzinə 25-35 min dram qiymətinə özünə alıcı tapır. Bu möhtəkirlik isə azarkeşlərin qəzəbinə səbəb olub, deyə qəzet yazır.
Bütün bunların fonunda məlum olub ki, yuxarıda sadalanan səbəblərdən 5 minə yaxın bilet ümumiyyətlə satılmayıb. Nəşr qeyd edir ki, Ermənistan FFA bir tərəfdən bir çox vətəndaşı oyunu izləmək imkanından məhrum edib, digər tərəfdən spekulyasiya və saxtakarlığın qarşısını almaq üçün lazımi nəzarəti təmin edə bilməyib
Xatırladaq ki, martın 25-də Ermənistan millisi 2024-cü il Avropa çempionatının seçmə mərhələsi çərçivəsində Türkiyə yığmasını qəbul edəcək. UEFA-nın qərarı ilə oyun türkiyəli azarkeşlər olmadan keçiriləcək.
Poliqon.info
Digərxəbərlər
Populyar xəbərlər
