Mərkəzi Kəşfiyyat İdarəsi Almaniyaya “Şimal axını”nda partlayışlar hazırlayan ukraynalılar barədə xəbərdarlıq edib…
Almaniya təhqiqatı Rusiyanın “Şimal axını” və “Şimal axını 2” qaz kəmərlərində təxribatda iştirakı ilə bağlı ilkin versiyanı təkzib edib, həmçinin Vaşinqton da boru kəmərinə ziyan vurmaqda Moskvanın məsuliyyətinə inanmır.
Poliqon.info xəbər verir ki. bu barədə The Wall Street Journal son kəşfiyyat hesabatı ilə tanış olan Ağ Ev administrasiyanın adının açıqlanmayan rəsmilərinə istinadən məlumat yayıb.
WSJ yazır ki, Kiyevdəki hakimiyyətlə əlaqəsi olmayan hansısa ukraynalı qruplaşmanın kəmərlərdə təxribat təşkil etməsi variantı nəzərdən keçirilib. Bildirilir ki, MKİ bu barədə 2022-ci ilin yayında, hücumun yenicə hazırlandığı vaxt artıq müəyyən məlumata malik olub.
Daha sonra ABŞ kəşfiyyatı Almaniyanın Federal Kəşfiyyat Xidmətinə üç Ukrayna vətəndaşının “Şimal axını” boru kəmərində təxribat edə biləcəyi ilə bağlı məlumat göndərib.
WSJ kəşfiyyatın tapıntılarının yekun olmadığı və araşdırmanın davam etdiyini qeyd edib.
Poliqon.info