Ağ Evdəki Milli Təhlükəsizlik Şurası The New York Times mənbələrinin "Şimal axını"ndakı təxribatda ukraynayönlü qrupun iştirakı ilə bağlı məlumatlarını təsdiq edə bilmir…
Poliqon.info xarici mətbuata əsasən xəbər verir ki, bu barədə Milli Təhlükəsizlik Şurasının sözçüsü Eydrienn Uotson “Twitter”də bildirib. Onun sözlərinə görə, NYT etiraf edib ki, verilən məlumat ABŞ hakimiyyətinin verdiyi kəşfiyyat məlumatlarına əsaslanmır. Spiker əlavə edib ki, Almaniya, İsveç və Danimarka insidenti araşdırmaqda davam edir və bu üç dövlətin rəhbərliyini şərh etməyə çağırır.
“Milli Təhlükəsizlik Şurası NYT nəşrinin iddialarını təsdiq edə bilmir. Nəşrin etiraf etdiyi kimi, bu anonim iddialar ABŞ administrasiyası tərəfindən verilən kəşfiyyat məlumatlarına əsaslanmayıb və mənbələrə ABŞ hökuməti adından danışmaq səlahiyyəti də verilməyib”, deyə Uotson bildirib.
Xatırladaq ki. martın 7-də NYT, kəşfiyyat məlumatları araşdıran ABŞ rəsmilərinin Baltik dənizindəki qaz kəmərlərində təxribatın Ukrayna rəhbərliyi ilə əsaqəsi olmayan ukraynayönlü qrup tərəfindən həyata keçirilə biləcəyi qənaətinə gəldiyini bildirən məqalə dərc edib.
NYT-nin məlumatına görə, qrupa ukraynalılar və ya ruslar, ya da hər iki dövlətin vətəndaşları daxil ola bilər.
Poliqon.info
Digərxəbərlər
Populyar xəbərlər
