İstanbulda terror aktının təşkilində təqsirləndirilən şəxsləri 3000 ildən çox həbs cəzası gözləyir...
Poliqon.info xəbər verir ki, bu barədə “Anadolu” Agentliyi məlumat yayıb.
Agentlik xəbər verir ki, İstanbulun 13-cü Cəza Məhkəməsi terror aktını törədən Əhlam əl-Bəşir də daxil olmaqla 36 nəfərin təqsirləndirildiyi iş üzrə ilk məhkəmə iclaslarını mayın 9-10-11-nə təyin edib.
Qeyd edək ki, bir müddət əvvəl Türkiyə polisi ötən il noyabrın 13-də İstanbulun İstiqlal küçəsində törədilən terror aktında əli olmaqda şübhəli bilinərək daha 8 nəfəri saxlayıb.Həbs edilənlər terrorçulara yardım etməkdə və onlara sığınacaq verməkdə şübhəli bilinirlər. Məlum olub ki, saxlanılan iki şəxs hücumu törədən Suriya vətəndaşı Əhlam əl-Bəşirin Suriyadan Türkiyəyə qeyri-qanuni daxil olmasına kömək ediblər.
Xatırladaq ki, noyabrın 13-də İstanbulun mərkəzi rayonlarından birində piyadalar üçün nəzərdə tutulmuş İstiqlal küçəsində partlayış baş verib. Partlayış nəticəsində 6 nəfər ölüb, 80-dən çox insan yaralanıb.
Poliqon.info