Britaniyanın keçmiş kəşfiyyatçısı Putinin mümkün varisinin adını çəkib

“Donetsk vilayətində Baxmut və Soledar yaxınlığındakı döyüş əməliyyatlarında muzdluları fəal iştirak edən “Vaqner”in kuratoru və təsisçisi Yevgeni Priqojin Rusiya prezidentliyinə namizəd olmaq qərarına gəlsə, Vladimir Putin varisi ola bilər”.

PİA.az xəbər verir ki, bu fikri Britaniyanın keçmiş hərbi kəşfiyyatçısı Filip İnqram Sky News-a şərhində səsləndirib.

Rusiya ordusundakı kadr dəyişikliyi və Silahlı Qüvvələrinin Baş Qərargah rəisi Valeri Gerasimovun Ukraynadakı Birləşmiş Qoşun Qruplaşmasının komandanı vəzifəsinə təyin edilməsini şərh edən Filip İnqram belə bir addımı Putinin Ukraynadakı hərbi qüvvələri gücləndirmək cəhdi adlandırıb. Bu cəbhədə Müdafiə Nazirliyinin komandanlığı altında işləmək əvəzinə özünəməxsus şəkildə hərəkət edən Priqojinin ordudaki təsirini azaldır.

Keçmiş kəşfiyyatçı “Vaqneritlər”in kuratorunu “qaranlıq at” adlandırıb və onun muzdlularının Baxmut və Soledar istiqamətində bütün döyüşlərdə iştirak etdiyini qeyd edib.

“Priqojin Gerasimov və Şoyqunu tənqid etməkdən çəkinmir, həmçinin Putinlə birbaşa əlaqəsi var”, deyə kəşfiyyatçı əlavə edib.

Qeyd edək ki, bir müddət əvvəl rusiyalı politoloq Stanislav Belkovski Dövlət Dumasının spikeri Vyaçeslav Volodinin Putinin varisi olmaq şansının yüksək olduğunu bildirmişdi.

Öz növbəsində, rusiyalı müxalifətçi və Putinin sabiq baş naziri Mixail Kasyanov hesab edir ki, Putinin varisi ya Ftx nümayəndəsi, ya da tamamilə bu xüsusi xidmətin nəzarətində olan şəxs olacaq.

pia.az