Çinin mobil telefon, elektronika və kiçik məişət texnikası istehsalçısı “Xiaomi” gəlirlərinin azalması səbəbindən işçilərinin 10%-ni işdən çıxaracağını bildirib...
PİA.az iqtisadiyyat və maliyyə xəbər xidməti “Caixin”in şirkət mənbələrinə istinadən xəbər verir ki, şirkət qlobal smartfon satışlarının və daxili bazarda tələbin azalması səbəbindən ilin sonunda bəzi iş əməliyyatlarını və işçi qüvvəsini ixtisar edəcək.
Baş ofisi paytaxt Pekində yerləşən şirkət 3500-ə yaxın işçini ixtisar etməyi planlaşdırır ki, bu da hazırkı işçilərinin 10 faizini təşkil edir.
“Xiaomi”nin gəlirləri üçüncü rübdə 10% azalıb və şirkətin 1,5 milyard yuan (30 sentyabr məzənnəsi ilə təxminən 209 milyon dollar) xalis zərəri olduğu bildirilib.
Üçüncü rübdə mobil cihaz satışları 11% azalsa da, bu, şirkətin ən əhəmiyyətli gəlir mənbələri olan smart elektronika və internet xidmətlərində itkiyə səbəb olub.
Dünyada iqtisadi artımın yavaşlaması və inflyasiyanın artması səbəbindən elektron məhsullara tələbat azalır. Qlobal mobil telefon satışlarının 2022-ci ildə 12,2%, gələn il isə satışların 2,9% azalacağı proqnozlaşdırılır.
pia.az
Digərxəbərlər
Populyar xəbərlər
