Emin Əmrullayev sualları cavablandırıb...
“Bu gün ölkədə məktəb müəllimini işdən azad etmək mexanizmi yoxdur. Çünki işdən çıxarılma ilə bağlı qərar veriləndə bütün iş sistemimiz iflic olur. Həm mənim qəbuluma yazılırlar, ya şöbə müdirlərinin yanına gəlirlər. Misal olaraq, məhkəmə də bizim qərarı dəstəkləyir, ancaq həmin adam qəbuluma gəlir ki, məni işə bərpa et”.
PİA.az xəbər verir ki, bunu elm və təhsil naziri Emin Əmrullayev Milli Məclisdə “Dövlət ümumtəhsil müəssisələrində işləyən təhsilverənlərin sertifikatlaşdırılması” mövzusunda keçirilən ictimai dinləmədə səsləndirilən suallara cavabında deyib.
Nazir müəllimlərin sertifikasiya imtahanında iştirakın könüllü olmamasına da aydınlıq gətirib:
“Əgər imtahanı könüllü etsəydik, onsuz da biliyinə güvənənlər rahat şəkildə gəlib imtahan verib uğur qazanacaq və maaşlarına əlavələr alacaqdı. Lakin diplomu saxta, biliyi olmayanların imtahana gəlməyə marağı olmayacaqdı”.
pia.az
Digərxəbərlər
Populyar xəbərlər
