Aİ Rusiyanın Ukraynadakı hərbi cinayətlərinə görə məhkəmə qurulmasını tələb edir

PİA.az Türkiyə mətbuatına istinadla xəbər verir ki, AB Komissiyasının sədri Ursula fon der Leyen Rusiyanın Ukraynaya müdaxiləsi ilə bağlı verdiyi açıqlamada deyib:

“İndiyə qədər 20 mindən çox mülki vətəndaşın və 100 mindən çox Ukrayna əsgərinin öldürüldüyü təxmin edilir”.

Fon der Leyen Rusiyanın Ukraynadakı cinayətlərinin araşdırılması üçün “ixtisaslaşdırılmış məhkəmə” yaradılmasını təklif edib və Aİ-nin bu məsələdə beynəlxalq ictimaiyyətlə işləməyə hazır olduğunu bəyan edib.

Avropa İttifaqı Komissiyasının sədri Ursula fon der Leyen sosial media hesabından Rusiya və Ukraynadakı müharibə haqqında videomüraciət yayıb.

Rusiyanın Ukraynada “dağıdıcı, ölümcül və izahı mümkün olmayan əzablara səbəb olduğunu” ifadə edən Fon der Leyen: “Rusiya suveren dövlətə qarşı təcavüz cinayəti də daxil olmaqla, törətdiyi bütün cinayətlərin əvəzini ödəməlidir”, deyib və belə bir dəyərləndirmə edib:

“Beynəlxalq cinayət məhkəmələrini dəstəkləməyə davam edərkən, Rusiyanın təcavüz cinayətinin araşdırılması və mühakimə olunması üçün Birləşmiş Millətlər Təşkilatı tərəfindən dəstəklənən ixtisaslaşdırılmış tribunal yaradılmasını təklif edirik. Biz bu ixtisaslaşdırılmış məhkəməyə mümkün qədər geniş dəstək qazanmaq üçün beynəlxalq ictimaiyyətlə işləməyə hazırıq”.

Haaqada yerləşən Beynəlxalq Cinayət Məhkəməsi (ICC) müharibə başlayandan qısa müddət sonra təhqiqata başlayıb, lakin BCM-nin Ukraynadakı cinayətləri təqib etmək səlahiyyətləri yoxdur.

Ukrayna bir müddətdir müharibənin başlamasına görə məsuliyyət daşıdığı rus əsgərlərinin və siyasi liderlərin mühakimə olunması üçün xüsusi məhkəmənin yaradılmasını istəyir.

pia.az