Separatçıların cəbhəsində “yarpaq tökümü” – David Babayanın da ulduzu sönüb…

PİA.az erməni mətbuatına əsasən xəbər verir ki, bu gün Rusiya sülhməramlılarının nəzarətində olan Azərbaycan ərazisində fəaliyyət göstərn separatçı qruplaşmanın lideri öz yaxın ətrafında ciddi “təmizləmə” aparıb. Belə ki, Araik Arutunyanın qərarı ilə separatçıların “xarici işlər naziri” David Babayan da olmaqla 9-a yaxın “nazir” vəzifədən kənarlaşdırılb.

- Araikin verdiyi qərar əsasən Mikayel Hayriyan “səhiyyə naziri” vəzifəsindən azad edilib. Səhiyyə nazirinin səlahiyyətləri müvəqqəti olaraq “nazir müavini” Artur Oqancanyana həvalə edilib.

- Norayr Musaelyan “kənd təsərrüfatı naziri” vəzifəsindən azad edilib. Onun səlahiyyətləri müvəqqəti olaraq “birinci müavini” Tiqran Arustamyana həvalə edilib.

- Anahit Akopyan isə “təhsil, elm, mədəniyyət və idman naziri” vəzifəsindən kənarlaşdırılıb. Müvəqqəti olaraq separatçıların “təhsil, elm və mədəniyyət” işləri ilə Hasmik Minasyan məşğul olacaq.

- Armine Petrosyan “sosial inkişaf və miqrasiya naziri” vəzifəsindən uzaqlaşdırılb. Onun “vəzifəsi” də Vahram Arakelyana həvalə edilib.

- Hayk Xanumyan “ərazi idarəetmə və infrastruktur naziri” vəzifəsindən azad edilib. Vardan Beqlaryan da onu bu “vəzifə”də əvəz edib.

- Jirayr Mirzoyan “ədliyyə naziri” vəzifəsindən azad edilərək “ədliyyə naziri”nin səlahiyyətlərini icra edən təyin edilib.

- Separatçıların tanınmış simalarından biri olan David Babayan isə “xarici işlər naziri” vəzifəsindən azad edilərək “xarici işlər nazirinin səlahiyyətlərini” icra edən təyin edilib.

Qeyd edək ki, bu ayın əvvəlindən Rusiya tərəfindən Qarabağa göndərilən erməni əsilli rus milyarder Ruben Vardanyan saparatçıların “hökümətinin” başçısı elan olunub.Güman edilir ki, quldurbaşı Araikin son “kadr islahatları” Vardanyanın istəyi üzərində həyata keçirilib.

pia.az