Kristiano Ronaldonun artıq Instagramda 500 milyon izləyicisi var...
PİA.az Türkiyə mətbuatına istinadən xəbər verir ki, 2022 FIFA Dünya Çempionatının H qrupunda Portuqaliya ilə ilk oyununu noyabrın 24-də Qana ilə keçirəcək olan 37 yaşlı futbolçu sosial mediada yeni rekorda imza atıb.
İngiltərə Premyer Liqa komandalarından olan Mançester Yunayted-də çıxış edən ulduz futbolçu Kristiano Ronaldo Instagram-da izləyici sayı 500 milyona çatan ilk insan olub.
Paris Saint-Germain (PSJ) klubunda çıxış edən argentinalı ulduz Lionel Messi isə 376 milyon azarkeşlə Ronaldonu izləməyə davam edir.
Dünyaca məşhur simalar arasında model Kayli Cenner 372, müğənni Selena Qomez 357, peşəkar amerikalı güləşçi Dueyn Conson isə 348 milyon izləyici ilə Ronaldo və Messidən sonra gəlir.
pia.az