Avropa Komissiyası aprelin 29-da Belçikanın suveren fondu SFPIM ilə Brüsselin “Avropa məhəlləsi” adlanan ərazisində 23 ofis binasını 900 milyon avroya satmaq barədə saziş imzalayıb...
Poliqon xəbər verir ki, bu barədə Avropa Komissiyasının saytında məlumat verilib.
Sazişin bir hissəsi olaraq, SFPIM Brüssel hakimiyyəti ilə razılaşdırılmış şəhərin yaşıllaşdırılması planına uyğun olaraq ofis binalarını modernləşdirəcək. Binaların bir qisminin gələcəkdə yaşayış binasına çevrilməsi nəzərdə tutulub.
Brüsseldə Avropa Komissiyasına məxsus olan və “Avropa Məhəlləsi” adlanan ərazidə yerləşən binaların satışı onun ofislərini “modernləşdirmək və yaşıllaşdırmaq” məqsədi daşıyır.
“Bu əməliyyat “Avropa Məhəlləsi”ni müasir, cəlbedici və yaşıl əraziyə çevirəcək, burada ofis binaları yaşayış binaları, pərakəndə satış və istirahət məkanları ilə harmonik şəkildə birlikdə yaşayacaq”, deyə Avropa Komissiyası bildirib.
Brüssel də öz növbəsində Aİ-nin əsas institutlarının yerləşdiyi yerdə qalmasında maraqlıdır.
Poliqon.info
Digərxəbərlər
Populyar xəbərlər
