Amerika prezidenti Co Baydenin oğlu Hanter Bayden Fox News telekanlını böhtana, onun imicindən istifadəyə və qeyri-qanuni yolla əldə edilmiş fotoşəkilləri dərc etməyə görə məhkəmə işi ilə hədələyir...
Poliqon xəbər verir ki, bu barədə “Axios” portalı telekanala göndərilən müvafiq məktuba istinadən məlumat yayıb.
Məktubda Hanter Baydenin hüquq firması, hüquqşünasların gələcək məhkəmə çəkişmələri üçün "qeydlərin saxlanmasını" istədikləri Fox News və onun aparıcılarına qarşı “qaçılmaz” məhkəmə prosesinin gözlədiyi qeyd olunur.
Bundan əlavə, hüquq firması Fox News telekanalından Hanter Baydenin xarici biznes sövdələşmələrinə diqqət yetirən altı hissədən ibarət yumoristik filmi efirdən çıxarmağı tələb edib.
“Cənab Baydeni mütəmadi olaraq böhtan və təhqir etməklə, Foks telekanalı eyni zamanda onun imicinin, adının və reputasiyasının qeyri-qanuni kommersiya istismarından və Baydenin nalayiq fotoşəkillərinin rüsvayçı şəkildə yayılmasından qazanc əldə etməyə çalışır”, deyə məktubda deyilir.
Axios qeyd edir ki, vəkillər aprelin 26-dək Fox News-dan cavab istəyiblər, lakin bu cavabı ala bilməyiblər.
Qeyd edək ki, 2023-cü ilin dekabrında kiçik Bayden doqquz maddə üzrə ittiham olunub. Müstəntiqlərin fikrincə, o, 2016-2019-cu illərdə ən azı 1,4 milyon dollar məbləğində vergi ödəməyib. Bu halda Amerika prezidentinin oğlunu 17 ilə qədər həbs gözləyir. Onun müdafiəsi ittihamları siyasiləşdirilmiş hesab edir.
Poliqon.info
Digərxəbərlər
Populyar xəbərlər
