Buna səbəb onun məşq zamanı budundan zədə almasıdır...
Fransa millisinin hücumçusu Kərim Benzema Qətərdə keçiriləcək 2022-ci il dünya çempionatında iştirak edə bilməyəcək.
Fransa Futbol Federasiyası futbolçunun bud əzələsinin zədələnməsini təsdiqləyib. Bildirilib ki, MRT müayinəsi üç həftəlik sağalma müddəti tələb edəcək.
“Bütün komanda Kərimin kədərini bölüşür və onun tezliklə sağalmasını arzulayır”, – deyə məlumatda əlavə edilib.
Xatırladaq ki, Benzema, Real Madridə Çempionlar Liqası və “La Liqa”nı qazanmağa kömək etdikdən sonra, bu il futboldakı ən nüfuzlu fərdi mükafat olan “Qızıl top”a (Ballon d’Or) layiq görülüb.
Bu gün futbol üzrə dünya çempionatına start veriləcək. Mundialın açılış oyununda ev sahibi Qətərlə Ekvador yığması üz-üzə gələcək.
pia.az
Digərxəbərlər
Populyar xəbərlər
