Türkiyənin İstanbul şəhərində baş verən terror aktı barədə maraqlı faktlar üzə çıxıb...
PİA.az-ın Türkiyə KİV-lərinə istinadən xəbərinə görə, Taksim İstiqlal küçəsində terror aktı törədən Əhlam Əlbəşir Türkiyəyə 4 ay əvvəl Bilal Həsən adlı bir adamla gəlib və onu həyat yoldaşı kimi qələmə verib. Terror aktından sonra terrorçu qadın bu adama zəng etsə də, Bilal Həsən Əlbəşirə onunla məşğul ola bilməyəcəyini bildirib. Bundan sonra Əlbəşir taksi ilə Esenlerdə qaldığı ünvana gedib.
Buradan əşyalarını götürən Əlbəşir hücumdan sonra onu şəhərdən çıxarmalı olan Əhməd Carkasla birlikdə Küçükçekmece vilayətinin Kanarya məhəlləsinə gedib. Carkas Əlbəşiri anasının qaldığı evə aparıb. Əlbəşir polisin keçirdiyi əməliyyatla Küçükçekmecedə Əhməd Carkasın anasının qaldığı evdə yaxalanıb. Carkasın anasının da Əlbəşirlə birlikdə saxlanılaraq polis bölməsinə aparıldığı bildirilib.
Terrorçunun əlindəki gülün sirri açılıb
Bildirilir ki, Əlbəşir partlayışdan əvvəl skamyada oturarkən bir qadın ona qızılgül satmaq üçün çox təzyiq edib. O da diqqət çəkməmək üçün qızılgülləri alıb.
pia.az
Digərxəbərlər
Populyar xəbərlər
