Amerikalı senator (Arkanzas), respublikaçı siyasətçi Tom Kotton ABŞ-ın diplomatik korpusu çıxana qədər Kabul yaxınlığında “Taliban”ın bütün silahlılarını yox etməyə çağırıb.
Musavat.com xarici agentliklərə istinadən xəbər verir ki, bununla bağlı senator Kotton rəsmi bəyanat yayıb.
“Əfqanıstandakı fiaskonu həm öncədən görmüş, həm də söyləmişdik. Co Baydenin olduqca pis planlanmış çəkilmə qərarı ABŞ-ı hər kəsin önündə alçaltmaqla qalmadı, həm də Kabulda qalan minlərlə amerikalıın həyatını təhlükə altına qoydu”, - deyə bəyanatda bildirilir.
“Prezident Bayden ən azı minlərlə soydaşımızı xilas etmək naminə ABŞ aviasiyasından “Taliban”ı Kabul ətrafında məhv etmək üçün istifadə edə biərdi. Əks halda biz bir daha Co Baydenin bütün dünya qaşrısında gücsüzlüyünü şahidi olacağıq” - deyə o, qeyd edib.
Tom Kottondan başqa digər respublikaçı senatorlar, Mitç Makkonel və Lindsi Qrem də ABŞ prezidentini sərt şəkildə tənqid edib.
“Əfqanıstan miqyaslı və öncədən görülən fəlakətə doğru gedir. Administrasiyanın prezident Baydenin ağılsız siyasətini müdafiə etmək üçün göstərdiyi sürrealist səylər olduqca alçaldıcıdır”, - deyə Mitç Makkonel jurnalistlər qarşısında söyləyib.
pia.az