“Körpə bədənində nə qədər böyük ürək daşıyırsan” - Manana  

Gürcü əsilli Azərbaycan müğənni, Əməkdar artist Manana Gəncənin ermənilər tərəfindən vurulması ilə bağlı paylaşım edib.

Musavat.com xəbər verir ki, müğənni bir neçə gün öncə ermənilərin Gəncədə törətdiyi terror aktında yaralanaraq dağıntılar arasından xilas edilən Bəxtiyar adlı uşaqdan yazıb.

“Sənə qurban olum. Körpə bədənində nə qədər böyük ürək daşıyırsan. Azərbaycanın balaca qəhrəmanı, Allah səni və bütün doğma Azərbaycanımızı qorusun”, - deyə qeyd edib.

Qeyd edək ki, Bəxtiyar xilas ediləndən sonra jurnalistlər tərəfindən  görüntülənib. Yaşca kiçik olmasına baxmayaraq, kameralara gülümsəyən və qorxmadığını göstərən Bəxtiyarın görüntüsü qısa müddətdə sosial şəbəkədə geniş yayılıb.

pia.az