“Adil qardaşımızın yüksək bir vəzifəyə gəlməsi bizi çox sevindirdi” - Hulusi Kılıç

Milli Məclisin yeni tərkibdə bu gün keçirilən ilk iclasında I vitse-spiker və vitse-spikerlərin seçilməsi məsələsi müzakirə edildi. Səsvermə nəticəsində Adil Əliyev vitse-spiker seçildi.

Adil Əliyevə göstərilən yüksək etimada tək ölkəmizdə deyil, qardaş Türkiyədə də sevinənlər oldu.

Bununla bağlı açıqlama verən Türkiyənin Azərbaycandakı keçmiş səfiri, nüfuzlu diplomat Hulusi Kılıç bildirib ki, bu qərar Azərbaycan xalqı üçün xeyirlərə vəsilə olacaq: “Hörmətli Adil Əliyev qardaşımı Milli Məclisin vitse-spikeri vəzifəsinə təyin edilməsi münasibətilə ürəkdən təbrik edirəm. Adil Əliyevin dəyərli işləri, geniş ictimai və xeyriyyəçilik fəaliyyəti, səmimiliyi, sadəliyi, əhalinin, dostlarının qayğılarına həssas münasibəti insanların dərin inamını, hörmət və məhəbbətini qazanıb. Adı kimi hər zaman Adil olan, ədalətli qərarları dəstəkləyən, səssizlərin səsi olmuş qardaşımızın belə önəmli və yüksək bir vəzifəyə gəlməsi bizi çox sevindirdi və qürurlandırdı. İnanıram ki, Adil qardaşıma xas olan yüksək işgüzar və mənəvi keyfiyyətlər, dərin bilikləri, ona həvalə edilən vəzifələri yüksək səviyyədə yerinə yetirməyinə kömək göstərəcək. Rəbbim şərəfli və məsuliyyətli bu işdə Adil qardaşıma kömək olsun. Azərbaycan xalqı və Millətimiz üçün xeyirli olsun..." (Moderator)

pia.az