“Xiaomi” şirkəti “Mi 10-”un ilk partiyasını rekord müddətə satdı

Sözügedən seriyaya daxil olan smartfon modellərinin yüksək qiymət göstəricilərinə baxmayaraq Mi 10-nun ilk partiyası yüksək sürətlə satılıb.

Şirkət ilk öncə sifariş edən zaman 14 dollar depozit yerləşdirən ciddi alıcılara öz diqqətini cəmləyib.

Buna baxmayaraq satışlara start veriləndən 1 dəqiqə sonra Mi 10-nun ilk partiyası tamamilə satılıb.

Qeyd etmək lazımdır ki, ilk partiyaya 50.000 ədəd smartfon daxil olub. Beləliklə, Xiaomi şirkəti 1 dəqiqə ərzində 28.6 milyon dollar gəlir əldə edib. Məlumata əsasən Mi 10-nun ikinci partiyası 18 fevral tarixində satışa çıxacaq. Həmin vaxtda həmçinin Mi 10 Pro modeli də satışa çıxacaq.

Sadə Mi 10 modelinin qiyməti 573 dollardan, Mi 10 Pro modelinin qiyməti isə 716 dollardan başlayır. (Ölkə.Az)

pia.az