Bu əşyalara toxunduqdan sonra əllərinizi mütləq yuyun

Ayaqyoluna getdikdən sonra və yeməkdən əvvəl əllərimizi yumaq adət halını alıb. Artıq uşaqlarda bilir ki, bu vacib bir gigiyena qaydasıdır.
Lakin gün ərzində toxunduğumuz bəzi əşylarda olan bakteriyaların çoxluğu barədə məlumatsızıq.

PİA.az medicina.az-a istinadən toxunduqdan sonra əllərinizi yumağın vacib olduğu əşyaların siyahısını təqdim edir:

Tutacaqlar
Metroda, taksidə, avtobusda və s. tutacaqları gün ərzində bir dəfə dezinfeksiya edirlər. Amma düşünmək lazımdır ki, həmin tutacaqlara sadəcə 15 dəqiqə ərzində neçə nəfər toxunur.

Pul
Gün ərzində kağız və dəmir pullardan istifadə edirik. Buna baxmayaraq, bakteriyaların məskəni olan pula toxunduqdan sonra nadir hallarda əlimizi yuyuruq.

Heyvanlar
Pişik və itlər infeksiyanın yayılması üçün potensial təhlükə mənbəyidir. Mütəxəssislər hətta ev heyvanları ilə oynadıqdan sonra belə əllərinizi yumağı məsləhət görür.

Kafe və restoranlardakı menyular
Metrolardakı qapı və tutacaqlar dezinfeksiya olunduğunu halda kafe və restoranlardakı menyulara bunu etmək mümkün deyil. Düşünün ki, sizdən və sonra menyulara nə qədər adam toxunur.

Telefonlar
Telefonla danışdığınız halda onun ekranı üzünüzə toxunur. Bu isə onun üzərində olan bakteriyalarla bir başa əlaqə olmağınız deməkdir. Buna görə də telefonunuzu mümkün qədər antibakterial salfetlərlə təmizləyin.

Maye sabunlar üçün qab
İctimai ayaqyollarında olan maye sabunu üçün olan qablar ən azı unitaz qədər çirklidir. Buna görə də əlinizi yuduqdan sonra çalışın heç bir əşyaya toxunmayın.

pia.az