Daha 8 nominasiya UNESKO-nun Dünya İrs Siyahısına daxil edilib

“Report” xəbər verir ki, nominasiyanı təqdim edən ölkələr layihə barədə məlumat veriblər.

UNESKO-nun Ümumdünya İrs Komitəsinin Bakıda keçirilən 43-cü sessiyası çərçivəsində Koreyanın SeovonYeni Konfutsi Akademiyası, Kanadanın daşlar üzərində yazı olan əyalət parkı, Çexiya və Almaniyanın Krusnohori dağ-mədən regionu, Myanmanın Bagan şəhəri, Yaponiyanın Mozu Furuichi Kofun Gruop-qədim yapon mədəniyyətini əks etdirən məzarlıq, Laos Demokratik Respublikasının Xienghuang tarixi ərazisi, Çexiyanın Kladrubi Nad-Labem mərasim atlarının təlimi və yerləşdirilməsi, Almaniyanın Auqsburq su idarəetmə sistemi ilə bağlı nominasiyaları müzakirə olunub.

Bildirilib ki, bu tarixi yerlərin mühafizəsi, qorunub saxlanılması vacibdir.

Müzakirələrdən sonra nominasiyalar üzrə ayrı-ayrılıqda səsvermə keçirilib və həmin ərazilər UNESKO-nun Dünya İrs Siyahısına daxil edilib.

Avstriyanın Grossglokner-yüksək Alp dağları yolu, Avstriya, Macarıstan, Almaniya və Slovakiyanın Qədim Roma imperiyasının sərhədləri ilə bağlı təqdim etdikləri nominasiya isə siyahıya daxil edilməyib.

pia.az