Tehranda tanınmış insan hüquqları müdafiəçisi Nəsrin Sotudeh 38 il həbsə və 148 şallaq cəzasına məhkum edilib, bunu onun ailəsi bildirib
Nəsrin Sotudeh milli təhlükəsizliklə əlaqədar bir neçə cinayətdə ittham olunsa da, o, bunların hamısını rədd edib.
PİA.AZ BBC-yə istinadən xəbər verir ki, Nəsrin Sotudeh hicab taxmağı rədd edən qadınların hüquqlarının müdafiəçisi kimi tanınıb.
Hüquq-müdafiə qrupları mükafat qazanmış hüquq müdafiəçisinə qarşı "gözlənilməz" hökmü sərt tənqid edib.
"Nəsrin Sotudeh həyatını qadınların hüquqlarının müdafiəsinə və ölüm cəzasına qarşı mübarizəyə həsr edib", - “Amnesty İnternational” təşkilatından Filip Luter bildirib.
"İran hakimiyyətinin onu insan hüquqları işlərinə görə cəzalandırması olduqca acınacaqlıdır".
İrandakı İnsan Haqları Mərkəzinin məlumatına görə, Nəsrin Sotudehin əri xanımı ilə qısa telefon əlaqəsindən sonra “Facebook” hesabında onun həbsini təsdiqləyib.
Onun vəkili deyib ki, Nəsrin Sotudeh dövlətə qarşı məlumat yayılması, İranın ali liderinin təhqir edilməsi və casusluqda ittiham olunub.
Nəsrin Sotudeh kimdir?
O, ötən il İranda saxlanan azı 7 hüquq müdafiəçisindən biridir.
İyun ayında həbs olunmazdan əvvəl Nəsrin ictimai yerlərdə hicabsız gəzən bir neçə qadını müdafiə edib.
Xatırladaq ki, hicab taxmamağa görə İranda cəza nəzərdə tutulub.
Nəsrin Sotudeh haqqında iki məhkəmə prosesində doqquz ittiham səsləndirilib. Məhkəmələrdən bir onun iştirakı olmadan baş tutub və nəticədə ona uzun həbs müddəti və şallaq çəzası hökmü çıxarılıb.
Hüquq müdafiəçisi həm də keçmiş siyasi məhbusdur - o, 2010-2013-cü illər arasında təbliğat yayılması və dövlət təhlükəsizliyinə zərər vurmaq ittihamı ilə həbs olunub.
O, bu ittihamları rədd edib və həbsxanada olduğu müddətdə Avropa Parlamenti ona müxalifət fəallarını təmsil etdiyi üçün "Saxarov-Düşüncə Azadlığı" mükafatını verib.
pia.az