Kerç boğazında Ukrayna gəmilərinin saxlanması səbəbilə, Ukrayna hökuməti Bosfor boğazının bağlanması tələbi ilə dünya birliyinə müraciət edib
Bu barədə Ukravyna hərbi-dəniz qüvvələrinin (HDQ) komandanı İqor Voronçenko bəyan edib («UNİAN»).
«Mən, hərbi-dəniz qüvvələrinin komandanı olaraq, xahiş edirəm və ümidvar olduğumu bildirirəm ki, dünya birliyi Ukravyna dövlətinə qarşı təcavüz olduğuna dair qərar qəbul edəcək. Və etiraf edəcək ki, Ukrayna dövlətinə qarşı təcavüz olub. Bununla əlaqədar, həmçinin Montre Konvensiyası (məhz 19-cu maddə) ilə bağlı olaraq, Türkiyə Respublikasından Bosfor boğazını bağlamağı xahiş edəcəyik. Qoy rusiyalılar bilsinlər ki, beynəlxalq normaları necə pozurlar» – deyə, Voronçenko dəniz təhlükəsizliyi məsələləri üzrə 2-ci Beynəlxalq konfransında çıxışı zamanı bildirib.
Onun sözlərinə görə, hazırda Ukrayna «təkcə özünü yox, həm də Qərb dünyasını qoruyur». Rusiya isə Baltik dənizində, Arktikada, Orta və Uzaq Şərqdə öz dominantlığını qurmaq və genişləndirməyə cəhd göstərir.
«Ukrayna üzərində nəzarəti qurmaq kritik həddə qədər vacibdir.
Nədən ki, demokratik və Avroatlantik dəyişikliklərin tam reallaşması Rusiya Federasiyasının imperiya ambisiyalarının, avtoritar dövlət maşınının süqutuna gətirib çıxardacaq» – Voronçenko hesab edir.
Vaxtilə, 90-cı illərin sonlarında Ukrayna SSRİ-nin tərkibindən çıxan zaman, sovet siyasətçiləri həyacan təbili çalırdılar: “Ukraynasız SSRİ yoxdur!
Son hadisələrin təhlili isə belə nəticə çıxartmağa əsas verir: Ukraynasız Rusiya Federasiyası uzun müddət yaşaya bilməz! Proses inkişaf edir – Rusiyanın da dağılması yaxın gələcəyin işidir…”
pia.az