“Biləcəri Təmir-Quraşdırma” rəhbərinin adı 6 milyonluq ölüm işində - Pərdəarxası...

Azerinfo.az xəbər verir ki, onun adı ölüm işində keçir.

Məlumata görə, 16 saylı İİT Trestinin rəhbəri olmuş Nəsirov Yusif Təvəkkül oğlunun intihara təhrik edən səbəb “Biləcəri Təmir-Quraşdırma” QTSC rəhbəri Nazim Tahirovun əməli olub. Bu müəmmalı intihar ötən ilin fevralında baş verib.

Sayt iddia edir ki, müəmmalı intihardan sonra müvafiq qurumlar“Biləcəri Təmir-Quraşdırma” QTSC-də təftişə başlayıb. Bu yoxlamaların nəticəsindən asılı olaraq N.Tahirovun fəaliyyətinə qiymət veriləcək. 1963-cü il təvəllüdlü Nəsirov Yusif Təvəkkül oğlu özünü yaşadığı evin həyətində zəncirlə asaraq intihar edib.

Nəsirov Yusif kifayət qədər uğur qazanan sahibkarlardan olub. O, sağlığında 16 saylı Təmir Tikinti Quraşdırma birliyinə rəhbərlik edərək,dəfələrlə dövlət sifarişlərini həyata keçirib. Amma sahibkarın başı son günlərdə cəncəldə olub.

Məhkəmədə ona qarşı 6 milyon manatdan artıq iddia qaldırılıb. Və intihar səbəbi də bu imiş. Sayt yazıb ki, fırıldaqçı şəbəkənin qurbanı olan Nəsirov Yusif intihara sürüklənib.

Onun Nazim Tahirovla tanışlığı intihardan üç il əvvələ təsadüf edir. “Biləcəri Təmir-Quraşdırma” QTSC Rusiyadan borular ixrac edirmiş.

Bu ixrac prosesi zamanı Tahirovun Rusiyadakı müəssisələrə külli-miqdarda borcu yaranır. Vəziyyətdən heç cürə çıxmağa müvəffəq ola bilməyən Tahirov Nəsirova kömək üçün ağız açır.

Həm pulla, həm də intiharına gətirib çıxaran hadisə ilə Tahirova dəstək olan Nəsirov qarşılığında “Biləcəri Təmir-Quraşdırma” QTSC-dən 2 milyon manatlıq boru götürür. Amma...

Tahirova arxa-dayaq durmaq üçün Nəsirov ona Rusiyadakı müəssisələri aldatmasına şərait yaradır. Razılaşır ki, məhkəmə yolu ilə guya Nəsirovun Tahirova 6 milyon manatdan artıq borclu olmasını sübutlayan qərar çıxarılsın.

Həmin saxta məhkəmə qəarı isə Rusiyada Tahirovdan satdıqları boruların pulunu gözləyən müəssisələrə göndərilir. Nəticədə, Tahirov xeyli dərəcədə vəziyyətdən çıxmağa müvəffəq olur.

Amma üstündən müəyyən müddət keçəndən sonra Tahirov Nəsirova etdiyi yaxşılığın qarşılığını yamanlıqla çıxmaq qərarını verir. Əlində bir məhkəmə qərarı olan Tahirov Nəsirovun ona 6 milyon manatdan artıq borcu olduğu iddiasını irəli sürür.

Beləcə Tahirov günlərin birində Nəsirovdan olmayan borcu - Rusiyadakı müəssisələri aldatmaq üçün uydurulmuş borcu tələb edir. Nəticəsi isə artıq məlumdur.

Düşdüyü durumdan çıxış yolu tapa bilməyən Nəsirov sonda canına qıyır.

Bu iddialarla bağlı adıçəkilən şəxsin mövqeyini dərc edə bilərik.

pia.az