Almaniya və Çexiya Aİ-ni Rusiya qaz və neftindən imtina etməyə çağırıb

Poliqon xəbər verir ki, bu barədə Bloomberg Agentliyi məlumat yayıb.

Almaniyanın iqtisadiyyat naziri Robert Habek və Çexiyanın ticarət naziri Yozef Sikelanın məktubunda Aİ ölkələrinə deyilir:

“Bizim enerji suverenliyimiz və təhlükəsizliyimiz naminə biz Rusiyadan qaz, neft və radioaktiv materialların idxalını sistemli şəkildə azaltmağa davam etməliyik”.

Məktub Belçikanın energetika naziri Tinne van der Stratenə göndərilib. Belçika 2024-cü ildən Aİ-yə sədrlik edir.

Mayın 22-də Reuters Agentliyi yazıb ki, Belçika, Almaniya və Fransa Avropa Komissiyasından Rusiyadan LNG idxalına qoyulan məhdudiyyətlərin Aİ ölkələrinin iqtisadiyyatına hansı ziyanı vura biləcəyini qiymətləndirməyi xahiş ediblər. Bundan bir qədər əvvəl Aİ 14-cü sanksiyalar paketinə Rusiyanın LNG tədarükünə qadağanın daxil edilməsini müzakirə edib. Rusiya Avropaya ABŞ-dan sonra ikinci ən böyük LNG tədarükçüsüdür.

“Euobserver” nəşri sənəd layihəsinə istinadən yazıb ki, tədarük qadağan edilməyəcək, lakin Aİ Avropa limanlarına Rusiyanın LNG-nin qeyri-Avropa ölkələrinə xidmət göstərməsini qadağan etmək və Rusiyaya qarşı sanksiyalardan yayınmağa kömək edən gəmilərin ölkəyə girişini məhdudlaşdırmaq niyyətindədir.

Aprel ayında “Kpler” portalının məlumatına görə, Rusiyadan ixrac edilən LNG-nin 46%-i Avropaya göndərilib.

Poliqon.info