İsrail Qəzza zolağında girovların azad edilməsi və atəşkəslə bağlı razılaşmanın bir hissəsi olaraq Qətər, Misir və ABŞ-a yeni təkliflərini vasitəçilərə təqdim edib...
Poliqon xəbər verir ki. bu barədə Axios portalı iki mənbəyə istinadən məlumat yayıb. Nəşrin yazdığına görə, İsrail hakimiyyəti yeni təkliflərində bəzi tələbləri yumşaltmağa hazırdır.
Axios yazır ki, İsrailin yeni təklifi birinci mərhələdə azad edilməli olan canlı girovların sayı ilə bağlı “çevik olmaq istəyindən” bəhs edir. İsrail həmçinin HƏMAS-ın “davamlı” atəşkəs tələblərini müzakirə etməyə hazır olduğunu açıqlayıb.
“Bu, yeni bir təşəbbüsdür və ciddidir”, deyə mənbə Axios-a bildirib. Nəşrin mənbələrinin sözlərinə görə, Qətər hakimiyyəti yaxın vaxtlarda İsrailin təklifini HƏMAS nümayəndələrinə çatdıracaq.
Mayın 23-də İsrailin müharibə zamanı kabineti iki həftəlik fasilədən sonra vasitəçilər vasitəsilə HƏMAS-la danışıqların bərpasını təsdiqləyib. Mətbuat qeyd etmişdi ki, İsrail bəzi məsələlərdə mövqeyini sərtləşdirib. Bunun ardınca HƏMAS nümayəndələri İsrailin Rəfah əməliyyatını və ümumilikdə müharibəni dayandırmayacağı təqdirdə danışıqlardan imtina edəcəklərini açıqlayıblar.
Əsirlərin və girovların mübadiləsi ilə bağlı sonuncu danışıqlar Qahirədə baş tutub. Üç mərhələdən ibarət saziş nəzərdə tutulurdu: 33 israilli girovun azad edilməsi və İDF-nin Qəzza zolağının bəzi hissələrindən çıxarılması, qalan canlı məhbusların qaytarılması və ölənlərin cəsədlərinin dəyişdirilməsi nəzərdə tutulurdu.
Poliqon.info
Digərxəbərlər
Populyar xəbərlər
