Daxili borclanmanın kəskin artması Azərbaycanda iqtisadi inkişaf üçün təhlükə yaradırmı?

İqtisadçı-ekspert: “Daxili və xarici borclanmanın artmasının əsas səbəbi xərclərin artmasıdır. Ölkənin bir çox istiqamətlərdə icra etməki olduğu proseslər vardır ki, bu da kifayət qədər maliyyə vəsaitləri tələb edir”.

“Hazırda Azərbaycanın daxili və xarici borcunun səviyyəsinə baxmış olsaq, görərik ki, kifayət qədər qanedici vəziyyətdir”.

Bu sözləri iqtisadçı-ekspert Eldəniz Əmirov Azərbaycanda daxili borclanmanın artma səbəblərini Poliqon-a şərh edərkən qeyd edib.

Xəbər verdiyimiz kimi, Vahid Əhmədov Milli Məclisdə bildirib ki, Azərbaycanda daxili borclanma 15 milyarda yaxınlaşır. Deputat qeyd edib ki, bir müddət əvvəl bu rəqəm 4 milyard olsa da, hazırda sürətlə artır.

Daxili borclanma sürətlə artmasının Azərbaycan iqtisadiyyatın inkişafına, xüsusən qeyri-neft sektoruna hansı təsirləri ola bilər və ümumiyyətlə daxili borclanmanı artıran hansı səbəblərdir?

Mövzunu Poliqon-un əməkdaşı iqtisadçı-ekspert Eldəniz Əmirov ilə müzakirə edib.

Eldəniz Əmirov: “İşğaldan azad olunan ərazilərdə yenidənqurma bərpa olunma işlərinin aparılması, ölkənin milli təhlükəsizlik məsələləri, o cümlədən də digər cari xərclərin artırılması nəticə etibarilə bu tip borclanmanı hazırkı dönəm üçün gündəmə gətirib”.

Dövlətin ümumi xarici borcunun 5.5 milyard dollar olduğunu xatırladan ekspert qeyd edib ki, bu da dünya ölkələri arasında kifayət qədər yaxşı vəziyyətin olduğunu deməyə əsas verir:

“Ümumiyyətlə, son günlər həm daxili, həm də xarici borclanmanın artması ilə bağlı müzakirələr gedir. Bu istiqamətdə müəyyən konkret addımlar atılıb və qərarlar da qəbul edilib. Daxili və xarici borclanmanın artmasının əsas səbəbi xərclərin artmasıdır. Ölkənin bir çox istiqamətlərdə icra etməki olduğu proseslər vardır ki, bu da kifayət qədər maliyyə vəsaitləri tələb edir.

Hazırda Azərbaycanın daxili və xarici borcunun səviyyəsinə baxmış olsaq, görərik ki, kifayət qədər qanedici vəziyyətdir. Yəni həm daxili borc səviyyəsi, həm də xarici dövlət borcunun səviyyəsi ümumi daxili məhsula nisbətdə kifayət qədər yaxşı göstəriciyə malikdir. Belə ki, 5.5 milyard dollarlıq dövlətin ümumi xarici borcu var. Bu da dünya ölkələri arasında kifayət qədər yaxşı vəziyyətin olduğunu deməyə əsas verir.

İşğaldan azad olunan ərazilərdə yenidənqurma bərpa olunma işlərinin aparılması, ölkənin milli təhlükəsizlik məsələləri, o cümlədən də digər cari xərclərin artırılması nəticə etibarilə bu tip borclanmanı hazırkı dönəm üçün gündəmə gətirib”.

Nərminə UMUDLU
Poliqon.info