Polşa ABŞ-dan 735 milyon ABŞ dollarına döyüş təyyarələri üçün JASSM-ER hava-yer raketləri alacaq...
Poliqon xəbər verir ki, bu bu məlumatı “Polskie Radio”ya Polşa Müdafiə Nazirliyinin mətbuat xidmətindən veriblər. Əməliyyatın məbləği 735 milyon dollar təşkil edəcək.
Müvafiq müqaviləni artıq Polşa Müdafiə Nazirliyinin rəhbəri Vladislav Kosiniyak-Kamış imzalayıb. Mətbuat xidməti bəyan edib ki, uzaqmənzilli raketlərin alınması Polşa ordusunda bu tip silahların ehtiyatının artırılması zərurətindən irəli gəlir.
“Ukraynadakı münaqişə cəbhə xəttindən çox uzaqda olan hədəfləri vurmağın nə qədər vacib olduğunu göstərdi”, deyə məlumatda bildirilir.
Xatırladaq ki, JASSM-ER raketləri 1000 km-ə yaxın uçuş məsafəsinə malikdir. Çatdırılmaların 2026-cı ildə başlanması planlaşdırılır. Tədarükü 2030-cu ildə başa çatdırmaq istəyirlər.
Qeyd edilir ki, Polşa son illər hücum silahlarının alışını əhəmiyyətli dərəcədə artırıb. Güman edilir ki, Varşava Ukraynanın ehtimal məğlubiyyəti üzərindən silahlanmanı sürətləndirir.
Poliqon.info