İsrailin Baş naziri Benyamin Netanyahu ölkənin MOSSAD kəşfiyyat xidmətinə HƏMAS qruplaşmasının liderlərinə harada olurlarsa olsunlar, onlara qarşı hərəkətə keçməyi tapşırdığını bildirib...
Poliqon The Jerusalem Post nəşrinə istinadən xəbər verir ki, bu barədə İsrailin Baş naziri jurnalistlərə bildirib.
“Mən MOSSAD-a HƏMAS liderlərinə qarşı olduqları yerdə hərəkət etməyi tapşırmışam. Bu, çətin, lakin düzgün qərar idi”, deyən Netanyahu İsrailin Qəzza zolağından kənarda, xüsusən də Qətərdə onları hədəfə ala biləcəyinə eyham vurub.
Netanyahu İsrailin atəşkəs zamanı HƏMAS liderlərini öldürməyə cəhd edib-etməyəcəyi və ya sona qədər səylərini dayandıracağı ilə bağlı suala cavab verməkdən imtina edib.
“Müharibə davam edir... Bütün məqsədlərimizə çatana - bütün girovları qaytarına, HƏMAS-ı məhv edənə və terroru dəstəkləyən, övladlarını terrorizm üçün böyüdən, terrorçulara və ya onların ailələrinə pul ödəyən heç bir ünsürün olmadığına əmin olana qədər davam edəcək”, deyə baş nazir bildirib.
Baş nazirin sözlərinə görə, Qəzza artıq İsrail üçün təhlükə olmayacaq, orada həm cənubda, həm də şimalda təhlükəsizlik bərpa ediləcək:
“Biz qalib gəlirik və mütləq qələbəyə qədər mübarizə aparacağıq”, deyə Netanyahu vurğrlayıb.
Poliqon.info
Digərxəbərlər
Populyar xəbərlər
