Benyamin Netanyahu bildirib ki, Fələstinin HƏMAS hərəkatı ilə hərbi münaqişə bitdikdən sonra İsrail hərbi qüvvələri Qəzza zolağını daimi olaraq işğal etməyəcək...
Poliqon The Times of Israel qəzetinə istinadən xəbər verir ki, Netanyahu həmçinin İsrail hakimiyyətinin Fələstin əhalisini anklavdan qovmaq planının olmadığını açıqlayıb.
“Mən bir neçə məsələyə tamamilə aydın gətirmək istəyirəm. İsrail Qəzzanı daimi olaraq işğal etmək və ya onun mülki əhalisini köçürmək niyyətində deyil. İsrail Fələstin əhalisi ilə deyil, HƏMAS terrorçuları ilə mübarizə aparır və biz bunu beynəlxalq hüquqa tam uyğun olaraq edirik”, deyə Netanyahu bildirib.
Netanyahu açıq şəkildə bildirib ki, fələstinlilərin Qəzza zolağından əbədi olaraq qovulması lazım olduğuna inanan İsrail rəsmiləri və qanunvericilərinin bəyanatlarını dəstəkləmir.
Baş nazir vurğulayıb ki, İsrail Müdafiə Qüvvələrinin döyüşçüləri “hər gün mülki itkiləri minimuma endirmək üçün əllərindən gələni edirlər” və eyni zamanda HƏMAS-da “fələstinli mülki şəxslərdən canlı qalxan kimi istifadə edərək onları maksimum dərəcədə artırmaq üçün” əllərindən gələni edir.
Qeyd edək ki, ThevNew York Times qəzeti daha əvvəl yazmışdı ki, İsrail səssizcə yüz minlərlə Qəzzalı Misirə köçürməyə çalışır. İsrailin maliyyə naziri Bezalel Smotriç isə deyib ki, fələstinlilərin hərbi əməliyyatlar bitdikdən sonra belə Qəzza zolağına qayıtmaq hüququna malik olmayacaq. İordaniya hakimiyyəti isə fələstinlilərin zorla çıxarılmasını müharibə elanı hesab edəcəkləri ilə hədələyib. ABŞ səlahiyyətliləri İsrail rəsmilərinin və siyasətçilərinin Qəzza zolağından fələstinlilərin köçürülməsi ilə bağlı bəyanatlarını qəti şəkildə dəstəkləmədiklərini bildiriblər.
İsraillə Fələstinin HƏMAS hərəkatı arasında müharibə 7 oktyabr 2023-cü ildən davam edir.
Poliqon.info