Rusiyalı siyasətçi Boris Nemtsovun qətlinin təşkilatçısı, Çeçenistan “Şimal” batalyonunun komandir müavininin keçmiş sürücüsü Ruslan Muxudinov saxta sənədlərlə ölkədə maneəsiz hərəkət edir...
Bu barədə məlumatı TASS agentliyi siyasətçinin qızı Janna Nemtsovanın vəkili Vadim Proxorova istinadən yayıb.
“Muxudinov saxta sənədlərlə Novıy Urenqoy şəhərinə gəlib, amma FTX onu saxlamaq üçün özündə güc tapmayıb”, — deyə müdafiəçi bildirib.
O bildirib ki, R. Muxudinov axtarışdadır, istintaq onu “cinayətin sifarişçisi” hesab edir. Ona qiyabi ittiham irəli sürülüb.
Vəkil hesab edir ki, iş üzrə istintaq müddətinin 2020-ci ilin may ayına qədər uzadılmasına baxmayaraq, hüquq-mühafizə orqanları bu işin araşdırılması üçün real addımlar atmırlar.
Rusiya Baş nazirinin keçmiş müavini Boris Nemtsov 27 fevral 2015-ci ildə paytaxtın mərkəzində böyük Moskvoretsk körpüsündə arxadan vurulan güllə ilə öldürülüb. İki il sonra beş nəfər qətldə günahkar sayılıb, onlara 11 ildən19 ilədək ciddi rejim koloniyası verilib.
Qətlin təşkilatçıları və sifarişçiləri hələ də tapılmayıb.(konkret.az)
pia.az
Digərxəbərlər
Populyar xəbərlər
