Narışkin Börnsün iddialarını rədd edib

Rusiya Xarici Kəşfiyyat Xidmətinin direktoru Sergey Narışkin Mərkəzi Kəşfiyyat İdarəsinin direktoru Uilyam Börnsün 2022-ci ilin noyabrında Türkiyədə keçirilən görüş zamanı təkəbbürlü davranış ittihamlarını qəbul etməyib…

Poliqon.info xəbər verir ki, bu barədə RİA Novosti nəşri məlumat yayıb.

Xatırladaq ki, Börns CBS telekanalına verdiyi müsahibədə Narışkinin danışıqlar zamanı “təkəbbür” hissi yaratdığını, rusiyalı həmkarı ilə görüşünün “olduqca depresiv görüş” olduğunu da söyləyib.

“Çox təcrübəli və bacarıqlı diplomat, həm də Mərkəzi Kəşfiyyat İdarəsinin direktoru vəzifəsində hələ çox təcrübəsi olmayan həmkarım Uilyam Börnsə böyük hörmətim var”, deyə Narışkin bildirib.

O, Ankaradakı görüşün müsbət olduğunu və rahat atmosferdə keçdiyini qeyd edib. Xarici Kəşfiyyat Xidmətinin rəhbəri əlavə edib ki, o, həmkarı ilə görüşün nəticələrini hələ də müsbət qiymətləndirir.

Xarici Kəşfiyyat İdarəsinin rəhbəri qeyd edib ki, noyabr ayında Ankarada keçirilən görüşün yekunlarına görə, danışıqların nəticələrinin müsbət qiymətləndirib. Narışkinin sözlərinə görə, danışıqların müddəti 2.5 saat olub və bu artıq onu deməyə əsas verir ki, çətin ki, tərəflərdən birinin özlünü kobud və təkəbbürlü aparaması şəraitində görüş bu qədər uzana bilərdi.

Poliqon.info