Monqolustan və ABŞ iqtisadiyyat, enerji və təhsil sahələrində əməkdaşlıq haqqında razılığa gəliblər...
Monqolustan və ABŞ bir çox sahələrdə qarşılıqlı faydalı əməkdaşlığı fəal şəkildə inkişaf etdirmək niyyətindədirlər.
Poliqon xəbər verir ki, bu barədə Monqolustan dövlətinin başçısı Uxnaaqiyn Xurelsuxun ABŞ dövlət katibi Entoni Blinkenlə görüşündən sonra mətbuat xidməti məlumat verib.
“Tərəflər strateji tərəfdaşlıq çərçivəsində enerji, təhsil, ətraf mühitin mühafizəsi, kənd təsərrüfatı, ticarət və iqtisadiyyat sahələrində qarşılıqlı faydalı əməkdaşlığı fəal şəkildə inkişaf etdirmək barədə razılığa gəliblər”, deyə Monqolustan prezidentinin saytında bildirilir.
Tərəflər Ulan-Batorun su təchizatının 80% yaxşılaşdırılmasına dair Monqolustan hökumətinin və Amerika Minilliyin Çağırış Fondunun birgə proqramının həyata keçirilməsinin iki ölkə xalqları arasında dostluq rəmzi olduğunu qeyd ediblər. Söhbət iki müəssisənin, dərin su təmizləyici stansiya və su emalı zavodu tikintisindən gedir. Monqolustan hökumətinin bu layihəyə yatırımı 111 milyon dollar, Amerika fondunun töhfəsi isə 350 milyon dollar olacaq.
Poliqon.info