100 milyard dollar həddini keçən mobil oyun sənayesi gəlirinin bu il smartfonlar dövründə ilk dəfə azalacağı gözlənilir...
PİA.az “Financial Times”a istinadən xəbər verir ki, “Newzoo”nun datalarına əsasən, mobil oyun sənayesinin bu ilki gəliri əvvəlki ilə görə 6,4% azalaraq 92,2 milyard dollara qədər geriləyə bilər. 100 milyard dollarlıq gəlir həddini aşan və sürətli böyüməsi ilə tanınan mobil oyun bazarı ötən il 7,3%, 2020-ci ildə isə 25,6% artıb.
Digər bir araşdırma şirkəti “Ampere” isə hesablayıb ki, mobil oyun sənayesinin gəlirləri 2022-ci ildə hər il 6,4%, başqa sözlə, 6 trilyon dollar azalacaq. Bazardakı tənəzzülün səbəbləri arasında artan reklam xərcləri, istehlak xərclərinin azalması və mobil oyun sənayesini inkişaf etdirən Covid-19 pandemiyasının kütləvi şəkildə sona çatması var.
Mobil oyun sənayesinin ilk nümunələri 1990-cı illərdə ortaya çıxsa da, 2008-ci ildə başlayan smartfonlar dövründə sənayedə böyük irəliləyiş əldə edilib. Sektorun gəlirləri 2008-ci ildən sonrakı dövrdə ilk dəfə olaraq azalacaq.
Qeyd edək ki, mobil oyun sənayesi qlobal oyun bazarı gəlirlərinin yarısını təşkil edir. 2022-ci ildə gəlirlərinin 92 milyard dollar olacağı təxmin edilən mobil oyun sənayesi ilk sırada yer alarkən, pultlu oyunların bazar gəliri 51,8 və yüklənə bilən stolüstü oyunlar isə 38,2 milyard dollardır.
pia.az