"Yuventus" öz rəsmi saytında Mauritsio Sarrinin Turin klubunun baş məşqçi postuna təyin olunduğunu elan edib
"Report" xəbər verir ki, 60 yaşlı italiyalı mütəxəssislə müqavilə 30 iyun 2022-ci ilə qədər nəzərdə tutulub.
Sarri bu postda Massimiliano Alleqrini əvəzləyib. Sonuncu "Yuventus"u 2014-2019-cu illərdə çalışdırıb.
İtaliyalı jurnalist Nikkolo Çekkarini öz "Twitter" hesabında yazıb ki, Sarri Turin klubunda ilinə 6 milyon avro alacaq. Mütəxəssis üç illik müqavilə müddəti ərzində müvafiq olaraq 18 milyon avro qazanacaq.
Massimiliano Sarri 2018-ci ilin yayında "Çelsi" klubunun (İngiltərə) baş məşqçisi təyin olunub. "Zadəganlar" italiyalı baş məşqçinin rəhbərliyi altında İngiltərə Premyer Liqasında üçüncü yeri tutub, İngiltərə Liqa Kubokunun finalına qədər iləliləyib və Avropa Liqasının qalibi olub.
pia.az
Digərxəbərlər
Populyar xəbərlər
