Venesuela prezidenti Nikolas Maduro Davosda keçirilən Dünya İqtisadi Forumunda çıxışından sonra Argentina lideri Xavyer Mileyin ideologiyasını nasist ideologiyası kimi qiymətləndirib...
Poliqon xəbər verir ki, bu barədə Venesuelanın “La Patilla” qəzeti məlumat yayıb.
“Mən onun nasist ideologiyasından utanıram, onun liberal olması yalandır. O, bütün Qərbi kommunist və sosialist olmaqda ittiham etdi. Ondan fərqli düşünən hər kəs kommunistdir və yer üzündən məhv edilməlidir”, deyə Madurobildirib.
Qeyd edək ki, yanvarın 18-də Miley İsveçrənin Davos şəhərində etdiyi çıxışda Qərbin “təhlükədə olduğunu” söyləyib. Mileyə görə Qərbin dəyərlərini müdafiə etməli olanlar sosialistlərin dünyagörüşünə təslim olublar və bu da dünyanı qaçılmaz olaraq sosializmə aparır. Argentina prezidentinin fikrincə, radikal bazar siyasəti və kapitalizm “planetdə yoxsulluğa və aclığa son qoyacaq” alətlərdir.
Miley həmçinin bildirib ki, kapitalizm “ədalətli və əxlaqi cəhətdən üstün” siyasi və iqtisadi sistemdir və kapitalizmin mövcudluğu bugünkü dünyanın tarixin hər hansı digər zamanından daha zəngin, daha azad, daha dinc və firavan olmasına imkan verib.
2023-cü ilin noyabrında seçilən Argentinanın yeni lideri Xavyer Miley ölkənin ilk libertar prezidentidir. Miley qlobal istiləşməni inkar edir, insan orqanlarının ticarətinə icazə verməyə çağırır, həmçinin aborta qarşıdır. Seçki kampaniyası zamanı o, həmçinin Çin, Braziliya və Rusiyanın “kommunist” hökumətləri ilə əlaqələri kəsmək planlarını açıqlayıb. Miley qeyd edib ki, o, özünü “azadlığın, sülhün və demokratiyanın müdafiəçisi” hesab edir.
Poliqon.info
Digərxəbərlər
Populyar xəbərlər
