Litvanın xarici işlər naziri Landsberqis: Trampın qoşunları çıxarması Baltikyanı ölkələr üçün kabus olardı...
Keçmiş prezident Donald Tramp ABŞ-da hakimiyyətə gələrsə, Vaşinqton öz qüvvələrini Avropadan çıxara bilər, belə bir ssenari Aİ üçün “kabus”a çevriləcək.
Poliqon Bloomberg Agentliyinə istinadən xəbər verir ki, bunu Litvanın xarici işlər naziri Qabrielius Landsberqis Dünya İqtisadi Forumunda deyib.
Landsberqis ABŞ-ın Avropadan çıxması ssenarisini “kabus” adlandıraraq, “indiki formada Avropa böyük təhlükə altındadır və biz Rusiyanın eskalasiyasının növbəti mərhələsinə qədər mütləq saatları hesablayırıq”, deyib.
Nazirin fikrincə, qlobal sabitlik Aİ və ABŞ arasında transatlantik əlaqələrdən asılıdır.
Bloomberg qeyd edir ki, Donald Trampın Ağ Evə qayıtması perspektivi ilə ABŞ-ın Avropa təhlükəsizliyinə sadiqliyi ilə bağlı suallar yenidən yaranıb. Agentlik yazır ki, Avropa rəsmiləri ABŞ-ın Kiyevə yardımını dayandıra və hətta NATO-dan çıxmağa cəhd edə biləcəyindən narahat olmağa başlayıblar.
Qeyd edək ki, daha əvvəl Tramp müharibə vəziyyətində ABŞ-ın Avropa Birliyinə kömək etməyəcəyini bildirib.
Poliqon.info