İsveç hakimiyyəti Rəcəb Tayyib Ərdoğanın qalib gəldiyi prezident seçkilərindən sonra NATO-ya üzvlük məsələsi ilə bağlı Türkiyə ilə əlaqə saxlayıb...
Poliqon xəbər verir ki, bu barədə İsveçin baş naziri Ulf Kristersson məlumat verib.
“Aydındır ki, bizim əlaqələrimiz var, o cümlədən ötən bazar seçkilərin ikinci turundan sonra da kontaktımız olub”, deyə Baş naziri bildirib. Baş nazir qeyd edib ki, İsveç hakimiyyəti bu konkret məsələ ilə bağlı türkiyəli həmkarları ilə daim əlaqə saxlayır.
Qeyd edək ki, Finlandiya və İsveç 2022-ci ilin mayında NATO-ya üzv olmaq üçün müraciət ediblər. İyulun əvvəlində iki ölkənin Şimali Atlantika Alyansına üzvlüyü ilə bağlı protokollar imzalanıb. 2023-cü ilin aprelində Finlandiya rəsmi olaraq NATO-nun 31-ci üzvü oldu. Lakin İsveç hələ də təşkilata üzv ola bilməyib. Bunun səbəbi isə Türkiyənin İsveçin üzvlüyünü təsdiq etməməsidir. Ankara İsveç hökümətini PKK-ya yardım etməkdə ittiham edir.
Poliqon.info