İsrailin müdafiə naziri Yoav Qalant Təl-Əvivdə Knessetin Xarici Əlaqələr və Müdafiə üzrə iclası zamanı HƏMAS qruplaşması ilə müharibənin üç mərhələ\sindən danışıb...
Poliqon xəbər verir ki, bu barədə The Times of Israelnəşri məlumat yayıb. Müdafiə nazirinin sözlərinə görə, İsrail ordusunun (IDF) məqsədi HƏMAS qruplaşmasını tamamilə məhv etməkdir.
Qalanta görə, bu məqsədə nail olmaq üçün müharibə üç mərhələdə aparılacaq. O, vurğulayıb ki, birinci mərhələ Qəzzanın kütləvi hava hücumlarına məruz qoyulması və daha sonra “HƏMAS-ı məğlub və məhv edəcək quru əməlyyatın keçirilməsidir.
Nazir qeyd edib ki, ikinci mərhələdə atəş və quru əməliyyatları o qədər də intensiv olmasa da, davam edəcək. O, ikinci mərhələdə ordunun müqavimət ocaqlarını aradan qaldırmaq üçün çalışacağını bildiribi.
Son, üçüncü mərhələ, “Qəzza zolağında yeni təhlükəsizlik rejiminin yaradılması, İsrailin anklavda gündəlik həyat üçün məsuliyyətinin götürülməsi və İsrail vətəndaşları və bütün dünya üçün yeni təhlükəsiz həyatın yaradılması” olacaq.
Qeyd ed\k ki, İsrail Qəzza zolağı ilə müharibənin ilk günündən quru hərbi əməliyyata başlamağı planlaşdırır, lakin hücum bir neçə dəfə təxirə salınıb. Bu gün bildirilib ki, artıq quru əməliyyat üçün qərar verilib.
Poliqon.info