İsraildə “qurbanlıq keçi” axtarışı – Müzalifət liderinin ittihamları…

İsrail müxalifətinin lideri Yair Lapid Şərqi Qüdsdə sinaqoq yaxınlığında azı 7 israillinin ölümü ilə nəticələnən atışmada milli təhlükəsizlik naziri İtamar Ben-Qviri günahlandırıb.

PİA.az xəbər verir ki, bu barədə Türkiyənin Yeni Şafak qəzeti məlumat yayıb.

Qəzetin yazdığna görə Lapid yerli Ynet radiosuna deyib: “Siz məsuliyyət daşıyırsınız, bütün günü günahlandıracaq birini axtarmaq əvəzinə öz məsuliyyətiniz bilməlisiniz. Baş verənlərə görə cavabdeh sizsiniz”.

"Bu adam əlindən heç bir şey gəlmir. O, TikTok-da yaşayır və günahlandıracaq birini axtarı”, deyə Lapid vurğulayıb.

İsrail müxalifətinin lideri həmçinin Ben-Qviri milli təhlükəsizlik naziri vəzifəsini yerinə yetirməməkdə də ittiham edib.

Qeyd edək ki, bu İttihamlar yanvarın 26-da Şərqi Qüdsdə “Neve Yaakov” qəsəbəsində sinaqoq yaxınlığında baş verən atışmada yeddi israilli mühacirin öldürülülməsindən sonra səslənib.

Xatırladaq ki, Ben-Qvir baş verən hadisəyə görə, İsrailin baş prokuroru Qali Baharav-Miaranı terrorçunun evinin möhürlənməsini gecikdirməkdə günahlandırıb.

İsrailli mühacirlər də öz növbəsində Ben Qvir hücum yerinə gələndə onu şifahi şəkildə tənqid atəşinə tutublar. “Yedioth Ahronoth” qəzeti tərəfindən yayımlanan videoda ifrat sağçı nazirin məskunlaşanlarla yaranan mübahisədən sonar ordan polis tərəfindənuzaqlaşdırıldığı göstərilib.

pia.az