ABŞ İsrail ordusunun Qəzzanın cənubundakı hərbi əməliyyatının yanvar ayına qədər davam edəcəyinə inanır...
ABŞ rəsmiləri İsrail Müdafiə Qüvvələrinin Qəzza zolağının cənubunu hədəf alan quru əməliyyatının hazırkı mərhələsinin yanvar ayına qədər davam edəcəyini gözləyir.
Poliqon xəbər verir ki, bu barədə CNN ABŞ rəsmilərinə istinadən məlumat yayıb. Bundan sonra isə İDF Fələstin HƏMAS hərəkatının ayrı-ayrı liderləri və yaraqlılarına qarşı “cərrahi zərbələr” həyata keçirməyə başlayacaq.
Mənbələrdən birinə görə, ABŞ səlahiyyətliləri İsrail ordusunun hərəkətlərinin yaxın bir neçə həftə ərzində nəyə gətirib çıxaracağından narahatdırlar. CNN bildirir ki, ABŞ, İsraili anklavın şimalında istifadə edilən və çoxsaylı mülki itkilərə səbəb olan “dağıdıcı taktikaları” təkrarlamamaq barədə xəbərdarlıq edib.
Qeyd edək ki, dekabrın 5-də İDF HƏMAS-la müharibənin üçüncü mərhələsinə keçdiyini elan edib. Bu mərhələdə İsrail ordusu şimalda Fələstin hərəkatının bir çox dayaq məntəqələrini ələ keçirdikdən sonra cənubda hücuma keçdiyini bildirib. Döyüşlər həmçinin Qəzza zolağının cənubundakı ən böyük şəhərdə - İsrail kəşfiyyatının məlumatına görə, Həmas yaraqlılarının əksəriyyətinin yerləşdiyi Xan Yunisdə gedir.
Qeyd edək ki, İsrailin Baş naziri Benyamin Netanyahu bildirmişdi ki, Qəzza zolağı tamamilə silahsızlaşdırılmalıdır və bu prosesi yalnız İD təmin edə bilər.
Poliqon.info
Digərxəbərlər
Populyar xəbərlər
