İsrailin 12-ci telekanalı Misirin vasitəçiliyi və BMT-nin xətti ilə İsrail və HƏMAS arasında altı ay müddətinə atəşkəs haqqında razılaşmanın əldə olunduğu xəbərini yayıb
İsrail tərəfi Qəzza bölgəsində balıqçıların balıq tutmaq üçün icazə verilən zonanı 15 dəniz milinə qədər genişləndirməyə və elektrik təchizatı və bir sıra maliyyə problemləri ilə bağlı danışıqlara başlamağa hazır olduğunu bildirib.
Fələstinlilər isə bunun əvəzində atəşkəs elan etməyə və sərhədyanı çəpərlərdə zorakı insidentləri dayandırmağa, 300 metrlik bufer zonasının qorunub-saxlanılmasını təmin etməyə razılıq verib.
Ancaq bir müddətdən sonra Qəzzaya nəzarət edən HƏMAS İsraili KİV-də yayılan bu informasiyanı təkzib edib:
"HƏMAS hərəkatı altı ay müddətinə atəşkəslə bağlı sövdələşmənin olması barədə İsrail KİV-də yayılan xəbərin həqiqiliyini inkar edir", - HƏMAS nümayəndəsi Fauzi Barhuminin bəyanatında deyilir.
Barhumi bildirib ki, tərəflər sadəcə İsrailin bütün razılaşmaları yerinə yetirməsi müqabilində atəşkəsə razılaşıb. Hər hansı konkret tarixlərdən söz açılmır.(oxu.az)
pia.az
Digərxəbərlər
Populyar xəbərlər
