İran İsraili hədələyir və intiqam vəd edir…

PİA.az xəbər verir ki, İranın yarı-rəsmi ISNA xəbər agentliyi cümə axşamı günü İranın İsfahan şəhərinin mərkəzi yaxınlığındakı hərbi fabrikə pilotsuz təyyarə hücumunda İsraili günahlandırıb və uzun müddət davam edən gizli müharibənin son epizodu kimi görünən hadisənin qisasını alacağını bildirib.

Hücum İran və Qərb arasında Tehranın nüvə fəaliyyəti və onun Rusiyanın Ukraynadakı müharibəsi üçün uzun mənzilli kamikadze pilotsuz uçan aparatlar da daxil olmaqla silah tədarükü ilə bağlı gərginlik, habelə ölkə daxilində aylarla davam edən hökumət əleyhinə nümayişlər fonunda baş verib.

İranın BMT-dəki nümayəndəsi Əmir Səid İrəvani Birləşmiş Millətlər Təşkilatının Baş katibinə ünvanladığı məktubda “ilkin araşdırma İsrailin məsuliyyət daşıdığını göstərdi”, deyə yazıb.

İrəvani məktubda qeyd edib ki, Tehranın bu hücumlara cavab vermək üçün qanuni və təbii haqqı var:

“İran öz milli təhlükəsizliyini müdafiə etmək və sionist rejimin (İsrail) hər hansı təhdid və ya qanunsuzluğuna lazım bildiyi yerdə və vaxtda qəti şəkildə cavab vermək kimi qanuni və təbii hüququnu özündə saxlayır”, deyə İranın BMT-dəki nümayəndəsinin Baş katibə məktubunda deyilir.

pia.az