İndoneziya rəhbərliyi böyük iş adamı və siyasətçi Hari Tanoesoedibjoya səyahət etməyi qadağan edib. Buna səbəb onun prokuroru təhdid edən mesajı olub. Məşhur iş adamı ABŞ prezidenti Donald Trumpın biznes partnyorlarından biridir. O, “Trump” otelləri tərəfindən idarə olunan tətil yerləri tikir.
Musavat.com Reuters-ə istinadən xəbər verir ki, İmmiqrasiya direktorluğundan verilən məlumata görə, Tanoesoedibjo iyunun 22-dən etibarən 20 gün müddətində ölkəni tərk edə bilməz.
Təhqiqatı aparan Aqunq Sampurno polis idarəsi məlumat verib ki, indoneziyalı milyarder informasiya və elektronik alış-veriş qanununu pozduğuna görə barəsində cinayət işi açılıb. O, “MNC Group” şirkətlər qrupunu idarə edir. Şirkət mediadan tutmuş daşınmaz əmlaka qədər bir sıra işlərlə məşğuldur. Hazırda “MNC Group” şirkətinə əvvəllər məxsus olmuş “Mobile 8” telekommunikasiya şirkəti barəsində cinayət araşdırması aparılır. İddialara görə, iş adamı bu işin təhqiqatını aparan prokurora təhdid mesajı göndərib.
Tanoesoedibjonun hüquqşünası ittihamları rədd edərək bildirib ki, onun mesajı ümumi xarakter daşıyıb və heç kimi təhdid etməyi hədəfləməyib.
İş adamı mediada gedən xəbərləri də təkzib edib. Qanunu pozmaq 4 ilə qədər həbs cəzası və yaxud 56 000 dollar cərimə ödəməsinə gətirib çıxaracaq.
Tanoesoedibjo 2014-cü ildə keçirilən seçkilərdə vitse-prezidentliyə namizəd olub. 2015-ci ildə özünün partiyasını qurub və bu ilin sonuna qədər isə 2019-cu il seçkilərində iştirak edib-etməyəcəyini elan edəcək.
O, Trampın qələbəsini siyasi təcrübəsi olmayan namizədlər üçün stimulverici adlandırıb və Trampın inaqurasiyasında iştirak edib.
Hazırda Tanoesoedibjonun şirkəti İndoneziyanın Bali və Qərbi Yava adasında iki istirahət mərkəzi tikir və “Trump” hotelləri tərəfindən idarə olunacaq.
pia.az
Digərxəbərlər
Populyar xəbərlər
