Amerikalı iş adamı İlon Mask bildirib ki, əgər Ukraynaya yardımlar ABŞ-ın ehtiyaclarının ziyanına edilərsə, Ukraynaya hərbi və iqtisadi yardımın ayrılmasını dəstəkləmir...
Poliqon xəbər verir ki. iş adamı bu barədə özünün X sosial şəbəkəsindəki (keçmiş Twitter) rəsmi səhifəsində yazıb. Maskın sözlərinə görə, Kiyevə yardım yalnız ABŞ-ın maraqlarına uyğun olduğu müddətcə davam etdirilməlidir.
“Mən Ukraynaya dəstək verməklə razıyam və bunu edirəm də. Lakin Birləşmiş Ştatların ehtiyacları mütləq prioritet olmalıdır”, deyə Mask yazıb. O, həmçinin vurğulayıb ki, Kiyevə yardımın ayrılmasını müvəqqəti dayandırmağını düzgün hesab edir, belə ki, konkret halda Ukraynaya maliyyə dəstəyi zərurəti Vaşinqtonun ehtiyacları ilə ziddiyyət təşkil edir.
Qeyd edək ki, sentyabrın 30-da ABŞ Ukraynaya yardımı nəzərdə tutmayan müvəqqəti hökumətin maliyyələşdirmə layihəsini qəbul edib. Ağ Evi bildirib ki, hazırda Vaşinqtonun Ukraynaya yalnız qısamüddətli dəstək vermək imkanı var. Kiyevə uzunmüddətli yardım proqramlarının həyata keçirilməsi hələ də naməlum vəziyyətdədir.
Poliqon.info