İcra başçısı tərəfindən növbəti dəfə vətəndaşların müraciətləri dinlənilib

Poliqon xəbər verir ki, şəhid ailələri və qazilər növbədənkənar qəbul edilib, onların problemlərinə həssaslıqla yanaşılıb.

Qəbula gələn vətəndaşlar əsasən işlə təmin olunma, maddi köməklik, ev təmirinə köməklik olunması, yeni subartezian quyusunun qazılması, pay torpaq sahəsinin suvarılması, sahibkarlıq obyektinin sənədləşdirilməsi, əkin üçün bələdiyyədən icarəsinə torpaq sahəsinin ayrılması, işğaldan azad edilmiş ərazilərdə evlə təmin olunma və digər məsələlərlə bağlı müraciət ediblər. Onların müraciətləri rayon rəhbəri tərəfindən diqqətlə dinlənilib, icra hakimiyyətinin səlahiyyətlərinə aid müraciətlər qanun çərçivəsində həll olunub, digər müraciətlərlə bağlı isə vətəndaşlara müvafiq izahatlar verilib, vətəndaş məmnunluğu təmin olunub.

Rayon sakinləri ölkəmizdə həyata keçirilən islahatlara, əhalinin sosial rifah halının yüksəldilməsinə göstərilən diqqət və qayğıya görə möhtərəm Prezident cənab İlham Əliyevə və Birinci vitse-prezident Mehriban xanım Əliyevaya öz minnətdarlıqlarını bildiriblər.

Poliqon.info