HƏMAS ərəb və islam dünyasında ümumi səfərbərlik elan edib

Poliqon xəbər verir ki, bu barədə Yəmən Xəbər Agentliyi hərəkat nümayəndələrinin bəyanatına istinadən məlumat yayıb.

Fələstinin HƏMAS hərəkatı Fələstin xalqının müqaviməti ilə həmrəylik nümayiş etdirərək oktyabrın 13-nü “Əqsa tufanı cüməsi”ni ərəb və islam dünyasında Qüds və Əl-Əqsa üçün mübarizə aparan Qəzzaya naminə ümumi səfərbərlik günü elan edib.

Sözügedən bəyanatda HƏMAS ərəb və islam xalqlarını Fələstin, Qüds və Əl-Əqsa ilə həmrəylik nümayiş etdirmək üçün yürüş etməyə çağırılıb.

Qeyd edək ki, İslami Müqavimət Hərəkatının (HƏMAS) Siyasi Bürosunun rəhbəri İsmayıl Haniyə ərəb ölkələrini Qəzza zolağına dəstək üçün vəsait ayırmağa çağırıb.

Qeyd edək ki, oktyabrın 7-də səhər saatlarında HƏMAS İsrailə hücum edib, bundan sonra İsrailhakimiyyəti dövlətin rəsmən müharibə vəziyyətində olduğunu bəyan edib.

Oktyabrın 10-da İsrail Qəzza zolağında HƏMAS yaraqlılarının hədəflərinə zərbələr endirməyə başlayıb. “Hazırda İsrail ordusu Qəzza zolağında HƏMAS terror təşkilatının hədəflərinə genişmiqyaslı zərbələr endirir”, deyə ordunun bəyanatında bildirilib.

Poliqon.info