Gürcüstan prezidenti Salome Zurabişvili xarici agentlər haqqında qanun layihəsinə qarşı etiraz aksiyalarının iştirakçılarını qələbə münasibətilə təbrik edib və Tbilisidə davam edən etiraz aksiyalarını dəstəklədiyini bildirib…
Poliqon.info xəbər ki, Gürcüstan prezidenti bu barədə martın 9-da axşam saatlarında jurnalistlərə bildirib.
“İlk növbədə, cəmiyyəti ilk qələbə münasibətilə təbrik etmək istəyirəm. Mən hakimiyyətin qanunu geri götürmək üçün qəbul etdiyi qərarı alqışlayıram. Bu, onların xalqın real gücünü nəzərə almaq qərarıdır”, deyə Zurabişvili bildirib.
Gürcüstan prezidentinin sözlərinə görə, etirazlar zamanı baş verənlər birlik əlaməti və xalqın səsi idi və etirazçılar Gürcüstan hakimiyyətini bu səsi eşitməyə məcbur etdilər.
“Mən bu yolda səninləyəm, qorxma. Bu yolda hakimiyyətə etimadsızlıq var və niyə belə olduğu aydındır”, deyə Gürcüstan prezidenti müxalifətin mitinq iştirakçılarına müraciətində qeyd edib.
Xatırladaq ki, martın 9-da səhər saatlarında qanunun qəbuluna qarşı iki gün davam edən etirazlardan sonra hakim “Gürcü Arzusu” partiyası “Xalqın Gücü” hərəkatının təşəbbüsü ilə parlamentə təqdim edilən “Xarici agentlər” barədə qanun layihəsinin müzakirələrdən çıxarıldığını bildirib. Hakim partiya təkcə etirazlara səbəb olan qanun layihəsini geri götürməklə kifayətlənməyib, həmçinin etirazçıların tələbi ilə iğtişaşlar zamanı saxlanılanların hamısını azad edib.
Poliqon.info